Ljósastyllingar ! ! !

30.10.2007 | 21:17

Einu sinni voru bíleigendur skyldaðir til að mæta í ljósaskoðun einu sinni á ári, og þá í síðasta lagi fyrir 30. okt ef ég man rétt.

Þessi regla hvarf með Bifreiðaskoðun og var þá sett inn í skoðunina en í raun var þessari "iðn" svo til eytt út af kortinu þar sem eftir því sem mér skilst þá stilla þessir skoðanamenn ekkert ljósin né laga perur og menn verða að fara á þau örfáu verkstæði sem stunda ljósastillingar ennþá (getur verið að ég sé ekki með 100% staðreyndir en tek alveg gagnrýni sko)

Ef fólk horfir aðeins á það hversu oft þarf að fara orðið með nýja og nýlega bíla í skoðun þá má sjá að það eru 3 ár fyrst og svo 2 ár , en í eftir minni þekkingu á perum sem eru þó að breytast smá saman í LED ljósgjafa í dýrari bílum, þá eru engar perur sem lifa svo lengi. Líftími ljósaperu er allmennt um það bil 1 - 2þús tímar miðað við "góðar aðstæður en ekki titring og skjálfta sem eru auðvitað í bílum við akstur.

Menn í fjölskyldu minni höfðu tekjur af ljósastillingum í mörg ár og voru beygðir undir allskyns reglur og þurftu að ganga gegnum breytingar á aðstöðunni, aðeins til að láta svo kippa undan þeim fótunum af sömu mönnum og voru að setja þeim reglurnar . Errm