Lausaganga búfénaðar...

Ætti að banna með öllu, alltof mörg slys vegna þess sem má segja að sé algerlega óþarft.

Griðingar nytja jarða "eiga" að vera í lagi.

Bara mín skoðun.
Kv EJE

Ók inn í kindahóp á 200 km hraða

Rangt!

Af fréttinni og myndum að dæma hjá öðrum vef-fréttamiðlum þá er ískápurinn bólginn út.

Það segir mér að eitthvað INNÍ ískápnum hafi sprungið en EKKI hann sjálfur, og finnst þá líklegast að það hafi frosið í gosdós eða plastflösku með þessum afleiðingum, hurðin getur aldrei orðið þetta þétt til að mynda svona beyglur á hliðunum.

Það þarf að kanna allt innihaldið vel til að komast að hinu rétta í þessu "hryðjuverki"

Kv EJE

Ísskápurinn sprakk í tætlur

Mér finnst...

Mér finnst eiginlega mest skrítið við alla þessa aðgerð að lögreglan skuli vera búin að panta sjúkrabíla og slökkvilið ÁÐUR en aðgerðin fer í gang .. Það bendir svolítið til þess að þeir hafi ætlað að taka á bílstjórunum áður en sauð uppúr og þetta fáránlega komment lögregluþjóns við fréttamenn vefmiðla um að bíða bara í nokkrar mínútur og sjá hvað gerist!

Ef þetta er rétt hjá talsmanni bílstjóra að þessi bílstjóri sem fyrst er tekinn í jörðina hafi í raun verið að fara fjarlægja trukkinn, þá finnst mér frekast að það hafa bara þurft að prófa nýju óeirða gallana eða hvað ??

Kv EJE


p.s. Mín skoðun er sú að það er ekki til það mál sem er ekki hægt að tala niður og ég veðja frekar en ekki á að þetta eigi eftir að koma verulega í hnakkann á yfirvöldum fljótlega.

21 handtekinn í dag

Vantar í Reykjavík

Þetta hús sem verið er að reisa við höfnina okkar er eins og marg oft hefur komið fram EKKI fyrir óperuflutning ..

Gersamlega óskiljanleg ákvörðun

Ef Gunnar Birgisson í Kópavogi ætlar að standa við stóru orðin og bygga Óperuhús þar, þá þarf hann að mér finnst amk. líka að bæta veitingahúsamenninguna í nágrenninu, það er nefnilega oft sem fólk gerir óperuferð að góðu kvöldi sem byrjar á fínum kvöldverð og svo kannski einn drykk á eftir.

Catalaina í Hamraborg og American Style einhver??

Kv EJE

Óperuhúsið vígt í Ósló

Ha??

Ef farþegar sem fara héðan skipta litlu sem engu þegar upp er talið, hversvegna er þá samt alltaf dýrara fyrir íslendinga að versla flugmiða út?? (já eða heim fyrir nemendur erlendis?)

Ég bara spyr.

Kv EJE

Ferðamenn vilja til Íslands

Ekki gott..

Að mínu mati þá er bara hreint brjálæði að láta lögreglu, töllgæslu og landhelgisgæslu vera fjársveltar stofnanir í þessu litla landi okkar.

Ekki nóg með að það sé fækkað stöðugildum hjá lögreglunni heldur er ekki hægt að borga þeim sem vilja starfa í þessu erfiða starfi mannsæmandi laun, að maður tali nú ekki um tækjakostinn, þar eru dæmu um að aðeins sé keypt það ódýrasta.
Ég veit til þess að bílar sem voru í amk einu embættinu á stór Reykjavíkur svæðinu fyrir sameiningu voru grút slappir Subaru bílar og heyrði lögreglumann segja að það lægi við að þyrfti bara að hætta við eftirför þar sem bíllinn svaraði ekki þegar var stigið á pinnann!! Þetta kom upp þegar ég tók að mér að skutla þessum manni heim eftir æfingu á Súbbanum hennar mömmu og hann hváði í sætinu við hliðina á mér þegar við tókum að stað á ljósum og sagði "hey þessi virkar!" og mútter var ekki með neina dýra gerð heldur bara 1800 vél.

Þessi þrjú embætti sem ég nefni fyrst eru "verkfæri" okkar til að gæta laga og reglu hérna á og við landið okkar og til þess að þau virki þá verður að eyða peningum og fjölga fólki og styrkja í þeim öllum.
Að auki verður að vera þannig búið um hnútana að fólk virkilega fáist til að vilja vinna við þessi störf.

Kv EJE

Lögreglumenn á fund ráðherra

Fréttamenn mbl "vel að sér"?

Formúlu keppnir eru aldrei nema um helgar þótt vera megi að einhverjir þættir eða álíka séu í miðri viku (kannski æfingar en varla 3 dögum fyrir fyrsta mót ársins)
Fyrsta beina útsendingin í kvöld minn rass!

Bara rugl.....

Kv EJE

Nafnabreytingar á sjónvarpsstöðvum 365 miðla

Ekki alveg rétt..

Ég er rafiðnaðarmaður og það er ekki búið að semja hjá mér, þannig að "öll" aðildarfélög RSÍ eru ekki búin.

Bara benda á það ..

Kv EJE

Iðnaðarmenn samþykkja samninga

Alþjóðleg? ..

Verður sýning alþjóðleg ef dómararnir eru frá ýmsum löndum?

Má vera að hundakynin sem sýnd verða séu "ættuð" frá hinum og þessum löndum en íslenskir eru þeir, þess vegna finnst mér þetta mjög asnalega orða, hvort sem það er Hundaræktarfélagsins eða mbl.is.

Það er morgunljóst öllum sem vita eitthvað um dýr hérlendis, að allir hundarnir sem sýndir verða þarna á þessari sýningu eru allir með tölu, búsettir á íslandi alla ævi sína eða um lagna tíð eða innfluttir fyrir amk. 6-12 mánuðum. (hef reyndar ekki trú á að nýinnfluttir hundar séu í sýningarformi)

Kv EJE

Alþjóðleg hundasýning í reiðhöll Fáks

Alltaf flottir...

Þessir ljósmyndarar blaða og tímarita eru sannir listamenn og eiga heiður skilinn fyrir að sýna okkur smáfólkinu í myndmáli þá atburði og sjónarhorn á lífið sem fæstir verða vitni að.

Ég segi til hamingju til ykkar !

Kv EJE

Blaðaljósmyndarar sýna